Струміла Славамір Аляксандравіч
Струміла
Славамір Аляксандравіч
Нарадзіўся 8 сакавіка 1946 года ў вёсцы Слабодка Астравецкага раёна Гродзенскай вобласці ў сям’і чыгуначніка. Сярэднюю адукацыю атрымаў у Астравецкай школе, якую закончыў са срэбраным медалём. У 1963-1969 гадах – студэнт Гродзенскага медычнага інстытута (зараз універсітэт).
Пасля заканчэння інстытута працаваў галоўным урачом Германавічскай участковай бальніцы (1969), праходзіў абавязковую вайсковую службу ў шэрагах Савецкай Арміі (1969-1970), у 1970 годзе – урач Гродзенскага абласнога лячэбна-фізкультурнага дыспансера.
З 1971 года ў Інстытуце біяхіміі АН БССР: старшы лабарант, малодшы, старшы, вядучы, галоўны навуковы супрацоўнік, загадчык лабараторыі энзімалогіі і біятэхналогіі (1987-1988). Кандыдацкую дысертацыю «Взаимодействие витаминов РР и ВТ в регуляции ферментов тензофосфатного пути обмена углеводов при различных функциональных состояниях адреналовой системы» абараніў у 1975 годзе. Доктарскую «Полиферментные комплексы дегидрогенез 2-оксокислот надпочечных желез (роль, свойства, регуляция)» у 1985.
У чэрвені 1988 года пераводам залічаны на пасаду прафесара кафедры біяхіміі Гродзенскага універсітэта імя Янкі Купалы, а з 1 ліпеня загадчыкам кафедры. Вучонае званне прафесара па кафедры біяхіміі прысвоена ў 1990 годзе. Звольнены з працы па асабістым жаданні ў 1991 годзе.
Навуковыя накірункі дзейнасці прафесара С.А.Струмілы засяроджаны на даследаванні механізмаў, рэгуляцыі клеткавага метабалізму, дакладней, рэгуляцыі актыўнасці найважнейшых ферментаў і паліферментных сістэм. У лабараторыі энзімалогіі і біятэхналогіі за кароткі тэрмін атрыманы ў высокаачышчаным стане паліферментныя комплексы дэгідрагеназ 2-аксікіслот сэрца чалавека і вывучаны іх асноўныя ўласцівасці, што мае істотнае медыка-біялагічнае значэнне. Пад навуковым кіраўніцтвам С.А.Струмілы выкананы і абаронены 2 кандыдацкія дысертацыі, плануецца выкананне яшчэ 2 дысертацый.
Пералічаныя навуковыя пошукі прафесара С.А.Струмілы апублікаваны ў 103 працах (66 часопісных артыкулах і 1 манаграфіі) у айчынных і замежных выданнях, дакладаліся аўтарам на міжнародных і замежных канферэнцыях і сімпозіумах. На яго рахунку 12 рацыяналізатарскіх прапаноў і 7 укараненняў.
Асноўныя публікацыі:
Регуляция активности оксоглутаратдегидрогеназного комплекса животного происхождения // Вопросы медицинской химии. – 1988. – Т. 4, № 2.
Роль некоторых аминокислотных остатков в функционировании АДР-специфичной изоцитратдегидрогеназы из цитоплазмы коры надпочечников быка // Украинский биохимический журнал. – 1988. – Т. 60, № 1. (в соавт.)
Витаминзаивисмые ферменты надпочечников (дегидрогеназы 2-оксокислот). – Мн.: Наука и техника, 1988. (в соавт.)
Особенности кинетики ферментативной оксоглутаратдегидрогеназной реакции в системе с 2,6-дихлорфенолиндофенолом // Украинский биохимический журнал. – 1988. – Т. 60, № 4. (в соавт.)
Strumila Slavamir Aliaksandravich (b. 1946). Doctorate in Biology (1985), professor (1990). Head of the chair for Biochemistry (1988-1991). Author of 103 papers. Main directions of research: study of mechanisms of cellular metabolism regulation, namely the regulation of essential ferments and poly-ferment systems.
