Меляшэвіч Аляксей Уладзіміравіч
Меляшэвіч
Аляксей Уладзіміравіч
Нарадзіўся 1 красавіка 1932 года ў вёсцы Нарутовічы Бярозаўскага раёна Брэсцкай вобласці. У 1951 годзе скончыў Сялецкую сярэднюю школу і паступіў у Мінскі дзяржаўны медыцынскі інстытут, які скончыў у 1957 годзе. Уся лячэбная, навуковая і педагагічная дзейнасць звязана выключна з горадам Гродна. Працаваў урачом хуткай дапамогі, хірургам-анколагам Гродзенскай абласной клінічнай бальніцы, у 1962-1976 гадах – хірургам гарадской бальніцы № 1. У 1970 годзе абараніў кандыдацкую дысертацыю «Местная гипотермия в терапии островоспалительных заболеваний пальцев и кисти”. Званне дацэнта па кафедры факультэцкай хірургіі прысвоена ў 1990 годзе. З 1972 года ў Гродзенскім педагагічным інстытуце імя Янкі Купалы: старшы выкладчык, а затым дацэнт на курсе грамадзянскай абароны і медыцынскай падрыхтоўкі. У 1990 годзе абараніў доктарскую дысертацыю «Профилактика и лечение гнойно-восполительных осложнений микротравм кисти”. Званне прафесара па кафедры асноў медыцынскіх ведаў і ахове здароўя дзяцей прысвоена ў 1991 годзе. У гэтым самым годзе быў абраны загадчыкам кафедры асноў медыцынскіх ведаў.
Аўтар больш за 100 навуковых прац. Асноўнымі кіурункамі навуковай дзейнасці з’яўляюцца прафілактыка і лячэнне гнойна-запаленчых захворванняў кісці. На аснове асабістай канцэпцыі патагенэзу гнойна-запаленчых ускладненняў мікратраўмаў кісці распрацаваны спосабы іх прафілактыкі і лячэння, у прыватнасці:
– спосаб санагенезу мікратраўмаў шляхам іх акраплення растворам ёд-хлорэтылу (СССР, вынах. № 1122324, 1979);
– метад пралангіраванай мясцовай гіпатэрміі для дячэння сярознаінфільтраванайй фазы панарыцыя і флегмоны кісці;
– арыгінальны спосаб хірургічнага лячэння глыбокай параніхіі;
– методыка хірургічнага лячэння падскурнага і коснага панарыцыя дыстальнай фалангі з хірургічным доступам праз пазногцевае ложа (СССР, вынах. № 1187802, 1985);
– методыка дольчатага высячэння інфіцыраванай клятчаткі пасля ўскрыцця панарыцыя і флегмоны кісці з вызначэннем аптымальных межаў яе выразання;
– прапанаваныя і ўпершыню выкарыстаныя ў практыцы лячэння панарыцыя, абсцэсаў, флегмоны кісці нітачная дрынажы;
– гемастаз пры пашкоджванні парэнхіматозных органаў (селязёнкі, нырак, печані).
Памёр 1 снежня 2007 года.
Асноўныя публікацыі:
К технике оперативного лечения паронихии // Здравоохранение Белоруссии. – 1964. – № 11.
О пальпаторной диагностике рака желудка // Советская медицина. – 1964. – № 8.
Применение марли, шелковых и капроновых нитей при лечении инфицированных ран пальцев и кисти // Хирургия. – 1978. – № 12.
Метод количественной оценки микробной обсемененности ран // Совесткая медицина. – 1981. – № 12. (в соавт.)
Посттравматические остроинфекционные заболевания кисти. – Мн.: Беларусь, 1987.
Хирургическое лечение вросшегося ногтя (руководство для врачей). – Гродно, 1993.
Бесшовный гемостаз при травме почки в эксперименте // Здравоохранение. – 1997. – № 2.
Панариций и флегмона кисти. В 3 ч. Ч. 1. – Гродно: ГрГУ, 1997.
Панариций и флегмона кисти. В 3 ч. Ч. 2. – Гродно: ГрГУ, 1998.
Биологическая закономерность возрастной периодизации реактивности организма человека // Медицинские новости. – 1998. – № 5.
Методологические проблемы онтогенеза человека // Великие преобразователи естествознания: Жорес Алфёров. ХХ юбилейные международные чтения. – Мн., 2004
Биологические основы онтогенеза человека // Медицинские новости. – 2005. – № 11.
Meliashevich Aliaksey Uladzimiravich (1932-2007), M.D. (1990), professor (1991). Head of the chair for Medicine (1991-1995). Author of over 100 papers. Main directions of research: prevention and treatment of pyoinflammatory carpal diseases, methodological and biological bases of human ontogenesis.
