Мялешка Леў Восіпавіч
Мялешка
Леў Восіпавіч
Прафесар Л.В.Мялешка працаваў у Гродзенскім педінстытуце імя Янкі Купалы ў якасці загадчыка кафедры фізікі з 1967 па 1973 год. За гэты час ён вельмі істотна паўплываў на арганізацыю навучальнага працэса і развіццё навуковых даследаванняў у галіне фізікі.
Нарадзіўся 22 лютага 1920 года ў горадзе Свярдлоўску ў сям’і рабочага. Бацькі Л.В.Мялешка паходзілі з Беларусі (в.Цярэшкі Ваўкавыскага раёна Гродзенскай вобласці). На Урале апынуліся ў сувязі з бежанствам падчас першай сусветнай вайны. У 1922 годзе бацькі вярнуліся на радзіму і жылі ў вёсцы Цярэшкі.
Закончыў 7-гадовую школу, працаваў у сельскай гаспадарцы. У 1939 годзе ў складзе польскай арміі ўдзельнічаў у баях з нямецка-фашысцкімі захопнікамі ў Сілезіі. З 1939 года па 1941 год жыў у горадзе Ваўкавыску, вучыўся ў сярэдняй школе. У першыя гады нямецка-фашысцкай акупацыі жыў у вёсцы Цярэшкі. У 1943 годзе вывезены на працу ў Германію. Пасля вызвалення (1944 год) служыў у Чырвонай Арміі. Дэмабілізаваўся ў 1947 годзе, вярнуўся ў г.Ваўкавыск, закончыў сярэднюю школу. Год працаваў майстрам на Ваўкавыскім маслазаводзе. У 1948-1952 гадах студэнт фізіка-матэматычнага факультэта Мінскага педінстытута. Пасля заканчэння інстытута навучаўся ў аспірантуры. З 1955-1959 гады працаваў загадчыкам кафедры Полацкага педінстытута, старшым навуковым супрацоўнікам Інстытута фізікі АН БССР. З 1964 года – загадчык кафедры фізікі Мінскага вышэйшага інжынернага радыётэхнічнага вучылішча. У 1955 годзе абараніў кандыдацкую дысертацыю. У 1961 годзе зацверджаны ва вучоным званні старшага навуковага супрацоўніка па спецыяльнасці «Фізіка». Пад час працы ў Гродзенскім інстытуце абараніў доктарскую дысертацыю «Исследования фазовых превращений в переохлажденных расплавах». Вучонае званне прафесара па кафедры фізікі прысвоена ў 1971 годзе.
Прафесар Л.В.Мялешка характарызаваўся як вельмі працаздольны і ініцыятыўны кіраўнік кафедры. Пад яго кіраўніцтвам ажыццяўлялася дасканаленне навучальнага працэсса, абнаўлялася навучальна-лабараторная база кафедры. Л.В.Мялешка чытаў курс «Агульная фізіка», а таксама спецкурс «Фізіка цвёрдага цела». Пад яго кіраўніцтвам на кафедры фізікі былі ўпершыню арганізаваны навуковыя даследаванні па калектыўнай тэме «Исследования фазовых превращений на поверхности обрабатываемого материала при плазменной наплавке». Паралельна Леў Восіпавіч працягваў даследаванні па вывучэнню фазавых превращений в переохлажденных расплавках на прапанаванай ім новай методыкі вывучэння дадзенай праблемы. У 1973 годзе вызвалены ад рабоце ў інстытуце па асабістым жаданні. Узнагароджаны медалямі «За победу над Германией», «20 лет победы в Великой Отечественной войне».
Асноўныя публікацыі:
Исследования зависимости линейной скорости кристаллизации от толщины слоя // ЖФХ 34. – 1960. – № 1.
Исследование кристаллизации переохлаждённого бетона // ИФЖ 3. – 1960. – № 3.
О механизме процессов образования зародышей новой фазы в переохлажленных жидкостях // Кристаллизация и фазовые переходы. – М., 1962.
Кинетика кристаллизации сплавов эвтетического типа // Кристаллизация и фазовые переходы. – Мн., 1962.
Определение температурной зависимости энергии активного тела // Кристаллизация жидкостей. – Мн., 1963.
Исследование кинетики кристаллизации переохлажденных жидкостей и полиморфных превращений // Труды МВИРТУ. – 1966. – № 44.
Физические основы ядерного оружия. – МВИРТУ, 1966. (в соавт.)
Некоторые особенностти преподавания физики в технических вузах // Методический сборник МВИРТУ. – 1967. – № 19.
К статической теории кристаллизации бинарных сплавов // Физика металлов и металловедения. – 1967. (в соавт.)
К вопросу об экспериментальном подтверждении теории роста кристаллов // Кристалл и техника. – 1967.
Mialeshka Leu Vosipavich (b. 1920). Doctorate in Physics and Mathematics (1970), professor (1971). Head of the chair for Physics of the Grodno Yanka Kupala pedagogical university (1967-1973). Main direction of research: exploration of phase transformations on the surface of processed materials during plasma build—up welding.
